ეკონომიკისა და მდგრადი განვითარების მინისტრი დიმიტრი ქუმსიშვილი საქართველოში ამერიკის შეერთებული შტატების საგანგებო და სრულუფლებიან ელჩს, იან კელის შეხვდა.

ეკონომიკის სამინისტროს ინფორმაციით, შეხვედრაზე ამერიკის ახლადდანიშნულმა ელჩმა ხაზი გაუსვა შეერთებული შტატების ურყევ მხარდაჭერას საქართველოს მიმართ.

შეხვედრაზე მხარეებმა ისაუბრეს ორ ქვეყანას შორის სავაჭრო-ეკონომიკური ურთიერთობების გაღრმავებაზე, მათ შორის აშშ-სთან თავისუფალი ვაჭრობის შესახებ შეთანხმების გაფორმების მნიშვნელობის თაობაზე.

დიმიტრი ქუმსიშვილმა ელჩს საქართველოს ტურისტული და სატრანსპორტო პოტენციალი გააცნო. ასევე, მიმდინარე საინვესტიციო პროექტებზე ესაუბრა. საქართველოს ეკონომიკისა და მდგრადი განვითარების მინისტრმა აღნიშნა,  რომ აშშ არის საქართველოს უმნიშვნელოვანესი სტრატეგიული პარტნიორი და უმსხვილესი ინვესტორი და იმედი გამოთქვა, რომ მომავალში ორ ქვეყანას შორის თანამშრომლობა კიდევ უფრო გაღრმავდება.

შეხვედრაზე ასევე წარიმართა საუბარი აბრეშუმის გზის ფორუმზე, რომელიც საქართველოს პრემიერ-მინისტრის ინიციატივით 2015 წლის ოქტომბერში გაიმართება. ფორუმის მიზანია ახალი ხედვების აღმოჩენა და პარტნიორობის გაძლიერება თანამშრომლობის სხვადასხვა სფეროებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება