2020-12-13 13:46:06, 707 ნახვა

---

მეუფე იაკობი - ეს ვერაგი ვირუსი ალბათ, აუცილებელი იყო კაცობრიობისათვის, გადაგვარებულები ვიყავით და დაგვაფიქრებს

„ეს ვირუსი ვერაგია, მაგრამ ალბათ, აუცილებელი იყო კაცობრიობისათვის, ისე ვიყავით გადაგვარებულები, მხოლოდ ეს თუ დაგვაფიქრებს“, - ამის შესახებ ბოდბელმა ეპისკოპოსმა მეუფე იაკობმა ქადაგების დროს განაცხადა.

მისივე თქმით, ადამიანობა არ უნდა დავკარგოთ და უნდა შევრიგდეთ.

„მე განსაკუთრებულად მინდა ჩვენს გმირ ექიმებს მადლიერების გრძნობით დიდი მადლობა გადაუხადო. ღმერთმა გაგაძლებინოთ, მე ვიცი რა რთულია თქვენთვის ეს მსახურება, ფაქტიურად მოდი სიმართლე ვთქვათ თქვენ სიკვდილისთვის გაგწირეთ, იბრძვით, რომ ადამიანები გადაარჩინოთ და რას დავემსაგვსეთ, შევხედოთ აბა  გარდაიცვლებიან ხოლმე ადამიანები და სასახლე რომ აწიონ იმდენი კაციც არ მიდის ეშინიათ, შვილები მყავს ასე ვარ ისე ვარ, ექიმებს რა არ ყავთ? სად არის ქართველობა და ადამიანობა. ამისთვის ვცხოვრობთ? ჩვენ ისენი არავართ ომშიი რომ მივდიოდით და სულით ძლიერები ვიყავით. ადამიანობა არ უნდა დავკარგოთ. კიდევ ერთხელ მოგიწოდებთ შევრიგდეთ, ცალცალკე ვერავინ გაიმარჯვებს. ვთხოვ უფალს დაგვამშვიდოს. ადრე თუ გვიან ყველა გავალთ ამ ქვეყნიდან ყველანაირი რეგალიების გარეშე.

ეს ვირუსი ვერაგია, მაგრამ ალბათ აუცილებელი იყო კაცობრიობისათვის ისე ვიყავით გადაგვარებულები მხოლოდ ეს თუ დაგვაფიქრებს“, - აცხადებს ბოდბელი ეპისკოპოსი მეუფე იაკობი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი