2020-12-13 13:05:04, 497 ნახვა

---

გიორგი კანდელაკი - ბოიკოტის სამართლებრივი ფორმა „ქართულ ოცნებაზე“ ზეწოლას გაზრდის და შედეგად კომპრომისი გარდაუვალია

„ბოიკოტის სამართლებრივი ფორმა „ქართულ ოცნებაზე“ ზეწოლაზე გაზრდის და შედეგად კომპრომისი გარდაუვალია“, - ამის შესახებ პარტია „ევროპული საქართველოს“ ერთ-ერთმა ლიდერმა გიორგი კანდელაკმა განაცხადა.

მისივე თქმით, ძალიან მნიშვნელოვანია, რომ მანდატების დათმობის ფაქტი სამართლებრივად დადასტურდეს და ოფიციალური სახე მიეცეს.

„ძალიან მნიშვნელოვანია, რომ ეს ბოიკოტი ბოლომდე სამართლებრივად გაფორმდეს, ასევე  გაფორმდეს მანდატების დათმობაც, იმისათვის რომ დასრულდეს ეს პროცესი და როგორც კი ეს პროცესი დასრულდება და იქნება შემდგარი ფაქტი სამართლებრივად, პარლამენტის მიმართ ბოიკოტის გამოცხადების შესახებ, შემდეგ ბუნებრივია, რომ ზეწოლა „ქართულ ოცნებაზე“ გაასმაგდება და გაიზრდება, რის შედეგადაც კომპრომისი და დათმობა საზოგადოების უმრავლესობის ნების წინაშე იქნება სრულიას გარდაუვალი, ამაში აბსოლუტურად დარწმუნებული ვარ“, - აცხადებს გიორგი კანდელაკი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი