„რუსეთი საქართველოს მთავრობის პოლიტიკით უკმაყოფილოა, რაც მე ძალიან მიხარია“, - ამის შესახებ საქართველოს პარლამენტის თავჯდომარე დავით უსუფაშვილმა მედიასთან შეხვედრაზე განაცხადა.

უსუფაშვილის შეფასებით, რუსეთის ქმედებებს საქართველოს ხელისუფლებამ არ უნდა „წაუყრუოს“, თუმცა, ტრაგედიაც არ უნდა შეიქმნას.

“რუსეთი ცდილობს, რამე სხვას მიაღწიოს ამ ქვეყანაში, იმისგან განსხვავებულს რაც დღეს ხდება, რასაც აკეთებს დღევანდელი მთავრობა, პარლამენტი, რასაც აკეთებდა საქართველოში ბევრი სხვა მთავრობა, პარლამენტი და პრეზიდენტები, მე მგონია, რომ ეს მცდელობა იქნება ისეთივე წარუმატებელი როგორიც იყო ხოლმე დღემდე არაერთხელ. პრაქტიკულად არჩევნებს ვერ გავიხსენებთ, როდესაც მსგავსი მოვლენები არ შეინიშნებოდა. არ იქნება სწორი ამ მოვლენებისადმი წაყრუება და ხელის აქნევა, მაგრამ არც ის იქნება სწორი, რომ რაიმე განსაკუთრებული ტრაგედიები შევქმნათ ამისგან. მე ვერ ვხედავ იმის საშიშროებას, რომ ქართველმა ხალხმა პროპაგანდის თუ სხვა რამეს გავლენით უცბად გადაწყვიტოს, რომ კი ჩვენ მზად ვართ დავუბრუნდეთ რუსეთთან უმცროსი ძმის სტატუსს და ეს იქნება ჩვენი ბედნიერების საწინდარი - ეს ვერ იქნება ასე. თუ საქართველოში არსებობენ ან იარსებებენ პოლიტიკური ძალები, რომლებიც საწინააღმდეგოს დაუმტკიცებენ ჩვენი მოსახლეობის ერთ ნაწილს, ნურც ამაში დაინახავთ დიდ ტრაგედიას, რადგან შეუძლებელია მოსახლეობაში, ამომრჩევლების 100% ერთ აზრზე იყოს. იქ სადაც კანონდარღვევასთან გვაქვს საქმე, ქვეყნის და სახელმწიფოს ინტერესების შეგნებულად საწინააღმდეგო ქმედებასთან გვაქვს საქმე, ეს ცალკე თემაა. მაგრამ პოლიტიკური შეხედულებები იმის შესახებ , რომ ვითომ საქართველოს გარდა ევროპისა და ნატოსი სხვა ალტერნატივა აქვს, შეიძლება გამოთქვან პოლიტიკოსებმა და ისნი შესაძლოა, პარლამენტშიც აღმოჩდნენ, მაგრამ ეს არა მგონია ქვეყნის ორიენტაციის და პოლიტიკური კურსის გამსაზღვრელი იყოს“, - განაცხადა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება