2020-12-10 14:43:18, 599 ნახვა

---

ალეკო ელისაშვილი - „ევროპული საქართველო“, რომელიც სინამდვილეში „ბნელი საქართველოა“, პირველივე დღიდან ცდილობდა მოლაპარაკების ჩაშლას

ბოკერიას პარტია, რომელსაც „ევროპული საქართველო“ ჰქვია, მაგრამ სინამდვილეში ბნელი საქართველოა, პირველივე დღიდან ცდილობდა მოლაპარაკების ჩაშლას, - ამის შესახებ პარტია „მოქალაქეების“ ლიდერმა ალეკო ელისაშვილმა „ფეისბუქ“ მიმართვაში განაცხადა.

მისი თქმით, ხელისუფლებასთან შეთანხმება მიღწეულია, თუმცა ბოკერიას პარტია მას ხელს არ აწერს.

„რასაც ოპოზიცია მთელი ერთი თვე ვითხოვდით, რაზეც მოლაპარაკებები მიდის, ამ ოთხივე საკითხზე პრინციპში შეთანხმებული ვართ. რა ხდება ახლა? ბოკერიასა და უგულავას ხალხი ამბობს, რომ ამას ხელს არ მოაწერს! ხომ არის შეთანხმება, მას ხელი უნდა მოაწერო, ხელმოწერისა და პირობების შესრულების შემდეგ პარლამენტში შეხვიდე, მაგრამ აქ ხდება ყველაზე უცნაური ამბავი, რომ ბოკერიას პარტია, რომელსაც „ევროპული საქართველო“ ჰქვია, მაგრამ სინამდვილეში მავნებელი და ბნელი საქართველო არის, პირველივე დღიდან ცდილობდა მოლაპარაკების ჩაშლას“, - განაცხადა ალეკო ელისაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი