„საფრანგეთის პარლამენტის მიერ მიღებული რეზოლუცია კატასტროფაა და ამით შესაძლოა ევროპამ უარყოფითი შედეგები მიიღოს“, - ამის შესახებ, თურქეთის პრეზიდენტმა რეჯეფ თაიფ ერდოღანმა განაცხადა.

მისივე თქმით, აზერბაიჯანს არავისთვის არ შეუტევია, ამ ქვეყანამ სრულიად ლეგიტიმურად და სამართლიანად დაიბრუნა ის ტერიტორიები, რომელიც სომხეთს ჰქონდა მანამდე დაპყრობილი.

„საფრანგეთის პარლამენტში მიღებული გადაწყვეტილება „ეუთო/მინსკის“ მონაწილეობით სრული კატასტროფაა და ახალი სკანდალი წარმოქმნას ემსახურება.

აზერბაიჯანს არავისთვის არ შეუტევია, მან მხოლოდ საკუთარი მიწები დაიბრუნა და ეს სრულიად ლეგიტიმურ ჩარჩოებში განხორციელდა“, - აცხადებს ერდღანი.

მისივე თქმით, აზერბაიჯანის სახელმწიფო სუვერენიტეტზე ასეთი სახის შეტევა მიუღებელია.

„ვიმედოვნებ, რომ საერთაშორისო საზოგადოება ამაზე სათანადო რეაგირებას მოახდენს, რადგან ეს ინიციატივა საკმაოდ საშიშია ზოგიერთი ქვეყნისთვის", - აღნიშნავს ერდოღანი.

თურქეთის პრეზიდენტმა ასევე განაცხადა, რომ ევროპა ასეთი მიდგომით მხოლოდ უარყოფით შედეგებს მიიღებს და უმჯობესია „ბრძოლის სისხლიანი და ბნელი პერიოდი“ სამუდამოდ წარსულში დარჩეს.

შეგახსენებთ, რომ საფრანგეთში რეზოლუცია, რომელიც ხელისუფლებას მთიანი ყარაბაღის აღიარების შესახებ მოუწოდებს, პარასკევს მიიღეს.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს