თურქეთში ავტოსაგზაო შემთხვევას საქართველოს მოქალაქე ემსხვერპლა

2020-12-05 21:24:22, 641 ნახვა

საზოგადოება

თურქეთში, ტრაპიზონის პროვინციის მაჩქას რაიონში, ავტოსაგზაო შემთხვევას საქართველოს მოქალაქე ემსხვერპლა,.

აღნიშნული ინფორმაცია "ექსპრესნიუსს" საგარეო საქმეთა სამინისტროში დაუდასტურეს.

მათივე ცნობით, შემთხვევა გუშინ მოხდა და გარდაცვლილი საქართველოში დღეს გადმოასვენეს.

"2020 წლის 4 დეკემბერს, თურქეთში, ავტოსაგზაო შემთხვევის შედეგად საქართველოს მოქალაქე გარდაიცვალა. ქ. ტრაპიზონში საქართველოს გენერალური საკონსულოს დახმარებით, გარდაცვლილი მოქალაქე საქართველოში 5 დეკემბერს გადმოასვენეს. გარდაცვლილს ჩაუტარდა სამედიცინო ექსპერტიზა", - აცხადებენ საგარეო საქმეთა სამინისტროში.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან