2020-12-04 17:29:31, 541 ნახვა

---

დავით ბაქრაძე - კრიზისის განმუხტვის გეგმა წერილობით გადავეცით ელჩებს და ველოდებით ასეთივე ოფიციალურ პასუხს „ქართული ოცნებისგან“

კრიზისის განმუხტვის გეგმა წერილობით გადავეცით ელჩებს და ველოდებით ასეთივე ოფიციალურ პასუხს „ქართული ოცნებისგან“, - ამის შესახებ „ევროპული საქართველოს“ ლიდერმა, დავით ბაქრაძემ განაცხადა.

მისი თქმით, ოფიციალური პასუხის მიღებამდე ელჩებთან შეხვედრის დეტალებს არ გაასაჯაროებენ.

„დღევანდელი შეხვედრა ელჩებთან იყო ძალიან მნიშვნელოვანი ვინაიდან ოპოზიციამ კიდევ ერთხელ დააფიქსირა შეჯერებული პოზიცია და ამ პოზიციის დაფიქსირება მოხდა დეტალურად. ჩვენი ხედვა როგორ უნდა განიმუხტოს კრიზისი და როგორ უნდა წავიდეს ქვეყანა წინ, დეტალურად, წერილობით გადავეცით ელჩებს. ჩვენი თხოვნა იყო, რომ მათ როგორც ფასილიტატორებმა, ეს მიაწოდონ ოფიციალურად „ქართულ ოცნებას“ და ველოდებით ასეთივე დოკუმენტირებულ, ოფიციალურ პასუხს „ქართული ოცნებისგან“, - განაცხადა დავით ბაქრაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი