2020-12-02 15:26:28, 1104 ნახვა
მსოფლიო
თურქეთში, ავტობუსების გაჩერებებზე ეკრანი დამონტაჟდა, რომელიც პირბადის გარეშე მყოფ მგზავრებს აფიქსირებს
თურქეთში ავტობუსების გაჩერებაზე სპეციალური ეკრანი დამონტაჟდა, რომელიც პირბადის გარეშე მყოფ მგზავრებს აფიქსირებს.
ამის შესახებ ინფორმაციას „ევრონიუსი“ ავრცელებს.
გამოცემის ცნობით, სახის ამომცნობი ტექნოლოგიის გამოყენება ქალაქში უკვე დაიწყო.
სისტემა აფიქსირებს ყველას, ვისაც სახეზე პირბადე არ უკეთია და ამის ნაცვლად მათ სახეზე ვირუსის გამოსახულებას აყენებს.
ქალაქ ტრაპიზონის მერი აღნიშნავს, რომ ეს არის ხელოვნური ინტელექტის გამოყენების ეფექტური გზა პანდემიის შესახებ ცნობიერების ასამაღლებლად.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
