2020-11-27 20:41:29, 485 ნახვა
კომენტარი
ადვოკატი - ივერი მელაშვილისა და ნატალია ილიჩოვას საქმეზე სასამართლომ დააკმაყოფილა პროკურატურის შუამდგომლობა
„ივერი მელაშვილის და ნატალია ილიჩოვას საქმეზე სასამართლომ დააკმაყოფილა პროკურატურის შუამდგომლობა", - ამის შესახებ მათი ადვოკატი სოციალურ ქსელში წერს.
მან ასევე აღნიშნა, რომ თავდების მსურველები მომდევნო ორი დღის განმავლობაში უნდა დაუკავშირდნენ.
„ივერი მელაშვილის და ნატალია ილიჩოვას საქმეზე სასამართლომ დააკმაყოფილა პროკურატურის შუამდგომლობა და წინასასამართლო სხდომის ვადა გაახანგრძლივა.
აღკვეთის ღონისძიების გადასინჯვის პროცესი ორშაბათს, 30 ნოემბერს, 11:00 საათზე დაინიშნა.
ხვალ და ზეგ თავდებობის მსურველებს კიდევ შეუძლიათ დამიკავშირდნენ.
ივერის და ნატალიას სახელით მადლობა იმ ასობით ადამიანს ვინც უკვე გამოთქვა თავდებობის სურვილი", - წერს მარიკაშვილი.
ავტორი: ექსპრესნიუსი,
epn.ge (@expressnews.ge)
