ზამთარი ახლოსაა და ნელ ნელა სახლში სითბოს შენარჩუნება სულ უფრო აქტუალური თემა ხდება.  თანამედროვე გათბობის მეთოდებში ყველაზე პოპულარული ქართულ ბაზარზე არის ან ცენტრალური გათბობა ან მისი ალტერნატივა გაზის გამათბობლების სახით. მიმოვიხილოთ რითი განსხვავდება გათბობის ეს ორი ტიპი და გავიგოთ რომელია უკეთესი.

თანამედროვე ტექნოლოგიების დახმარებით დღეს საშუალო და საშუალოზე მაღალი ხარისხის გაზის გამათბობლები საკმაოდ უსაფრთხოა და პრაქტიკული. გაზის გამათბობელი თხევად აირზე მუშაობს და რამდენიმე უპირატესობა აქვს ცენტრალურ გათბობასთან შედარებით. პირველ რიგში უფრო ხელმისაწვდომია და ზოგჯერ უჯობესია კარგი გაზის გამათბობლის ყიდვა ვიდრე ცუდი გათბობის ქვაბის დაყენება. ასევე ხშირად ისე ხდება, რომ უკვე გარემონტებულ ბინაში ერთი გათბობის წერტილის დამატებაა საჭირო, ამ მხრივ იატაკის გატეხვა ან ზედაპირზე ცენტრალური გათბობის მილების გამოჩენა ნაკლებად ესთეტიურია ვიდრე ერთი გაზის გამათბობლის დაყენება, რომლის მონტაჟიც ლოკალურად ხდება. ბინის პირობებში უპირატესობას ანიჭებენ დახურული ტიპის გამათბობელს რომელიც ნაკლებ მავნე აირებს გამოყოფს და წვა დახურულ რეჟიმში ხდება.

გათბობის ქვაბი ცენტრალური გათბობის განუყოფელი და ალბათ ყველაზე მნიშვნელოვანი ნაწილია. აქ ხდება წყლის გათბობა არამხოლოდ გათბობის მილებში არამედ პირადი მოხმარებისთვის, აბაზანისთვის და ა.შ. ტყუილია რპომ გათბობის ქვაბის ხარისხი მის ზომაზეა დამოკიდებული, ხარისხი დამოკიდებულია მწარმოებელზე და ტექნოლოგიებზე, ასევე ბევრია დამოკიდებული მონტაჟის სისწორეზეც. სასურველია გათბობის ქვაბი სახლის გარეთ იყოს დახურულ სივრცეში, რომ არ დასველდეს და არ დაზიანდეს, ასევე არ უნდა გაიყინოს, ამ შემთხვევაში გათბობის ქვაბი დიდხანს და გამართულად იმუშავებს. გათბობის ქვაბში მნიშვნელოვანია წნევის რეგულაცია, სხვა მხრივ ეს ტექნოლოგია საფრთხეს არ შეიცავს.
როგორც ხედავთ ორივე მეთოდს თავისი უპირატესობა აქვს, ორივე შემთხვევაში მნიშვნელოვანია მონტაჟი პროფესიონალებს მიანდოთ და დაიცვათ უსაფრთხოების ნორმები, რომელსაც თავად მწარმოებელი კომპანია უწევს რეკომენდაციას. სახლში სითბო ყველაზე მნიშვნელოვანი ფაქტორია სიმყუდროვისთვის, ასე რომ კარგად დაფიქრდით და აირჩიეთ თქვენთვის სასურველი გათბობის ხერხი, თქვენს სახლში არსებული პირობებიდან და შესაძლებლობებიდან გამომდინარე. 

ავტორი: R (რეკლამა),

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა