ჩვენ არ ჩამოვედით სრულიად ჩამოყალიბებული და კონკრეტული ამოცანებით, დიდი გეგმებით ჩამოვედით და ვიმედოვნებთ, რომ გეგმების რეალიზება მალე მოხდება, - ამის შესახებ რუსეთის თავდაცვის მინისტრმა სერგეი შოიგუმ სომხეთის პრემიერ-მინისტრ ნიკოლ ფაშინიანთა შეხვედრაზე განაცხადა.

„ჩვენ აქ სრულიად ჩამოყალიბებული და კონკრეტული ამოცანებით ჩამოვედით. თქვენ იცით, რომ დოკუმენტის ხელმოწერის შემდეგ, ჩვენ სასწრაფო წესით განვალაგეთ სამშვიდობოები თქვენს ტერიტორიაზე. ყარაბაღის მთელ ტერიტორიაზე 23 სადამკვირვებლო პოსტი განვალაგეთ. ჩვენ ვაკონტროლებთ გზას,რომელიც მიდის სტეპანაკერტისკენ, ლაჩინის კორიდორს, რა თქმა უნდა, უზრუნველვყოფთ გადაადგილებასა და აღნიშნული ტერიტორიებიდან წასული ლტოლვილების დაბრუნებას.

ჩვენ წინ ბევრი სამუშაო გვაქვს, მე ვიმედოვნებ, რომ მთიან ყარაბაღში მშვიდობიანი ცხოვრება დასტაბილურდება. ჩვენი მხრიდან, რა თქმა უნდა, მთავარი ამოცანაა - სისხლისღვრის პოლიტიკის არ დაშვებაა. გარდა ამისა, ჩვენ ვალდებულები ვართ განვიხილოთ მომავალი ცხოვრება და ჩვენი სამშვიდობოების მუშაობა, რაც მნიშველოვანია. და, რა თქმა უნდა, უნდა განვიხილოთ ყველა ის საკითხი, რომელიც უკავშირდება ჩვენს თანამშრომლობას როგორც საომარი მიმართულებით ასევე საომარი-ტექნიკური მხრითაც. ჩვენ ჩამოვედით დიდი გეგმით და ვიმედოვნებთ, რომ ამ გეგმების რეალიზება მოხდება“, - განაცხადა სერგეი შოიგუმ.

შეგახსენებთ, რომ ამ წუთებში რუსეთის დელეგაცია სომხეთში ვიზიტით იმყოფება. დელეგაციის წევრები არიან: რუსეთის საგარეო საქმეთა მინისტრი სერგეი ლავროვი, თავდაცვის მინისტრი სერგეი შოიგუ, ვიცე-პრემიერები, ალექსანდრე ნოვაკი და ალექსეი ოვერჩუკი და სხვა ოფიციალური პირები.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი