2020-11-14 17:55:30, 692 ნახვა
პოლიტიკა
ოპოზიციამ მომდევნო სამი საპროტესტო აქცია დააანონსა
ოპოზიციამ მომდევნო სამი საპროტესტო აქცია დააანონსა.
როგორც "ევროპული საქართველოს" ერთ-ერთმა ლიდერმა გიგი უგულავამ აღნიშნა, პირველი აქცია 17-18 ნოემბერს გაიმართება, როდესაც საქართველოში ამერიკის შეერთებული შტატების სახელმწიფო მდივანი, მაიკ პომპეო ჩამოვა.
ამასთანავე, გიგი უგულავას თქმით, დედაქალაქის მთავარ გამზირებზე სტიკერი წარწერით „გაყალბებულია“ დაეკვრება, რომლებზეც დემონსტრანტები დადგებიან.
გიგი უგულავას თქმით, მომდევნო აქცია გაიმართება არჩევნების მეორე ტურის დღეს, 21 ნოემბერს. ამავე დღეს დაგეგმილია ე.წ ცოცხალი ჯაჭვის გაკეთება.
როგორც „ევროპული საქართველოს“ ლიდერმა განმარტა, მესამე საპროტესტო აქცია იმ დღეს გაიმართება, როდესაც მეათე მოწვევის პარლამენტი პირველად შეიკრიბება
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
