„თავისუფალი და სამართლიანი საარჩევნო პროცესი კრიტიკულად მნიშვნელოვანია საქართველო დემოკრატიის განმტკიცებისთვის“, - ამის შესახებ ნათქვამია აშშ-ს სახელმწიფო დეპარტამენტის მიერ გავრცელებულ განცხადებაში.

განცხადებაში აღნიშნულია, რომ სახელმწიფო დეპარტამენტი მხარს უჭერს საქართველოს სუვერენიტეტს საერთაშორისოდ აღიარებულ საზღვრებში.

„აშშ-ს სახელმწიფო მდივანი საქართველოში პრეზიდენტ სალომე ზურაბიშვილს, პრემიერ-მინისტრ გიორგი გახარია, საგარეო საქმეთა მინისტრს დავით ზალიანსა და პატრიარქ ილია მეორეს შეხვდება.

მზად ვართ  საქართველოს ევროატლანტიკური ურთიერთობების გაღრმავებასა და დემოკრატიული ინსტიტუტებისა და პროცესების განმტკიცებაში დავეხმაროთ. 21 ნოემბერს საქართველოს საპარლამენტო არჩევნების მეორე ტური გაიმართება. თავისუფალი და სამართლიანი საარჩევნო პროცესები კრიტიკულად მნიშვნელოვანია საქართველოში დემოკრატიისთვის და ამ პროცესში საქართველოს ხალხი აქტიურად მონაწილეობს.

ჩვენ, რა თქმა უნდა, გამოვიყენებთ შესაძლებლობას,  რომ კიდევ ერთხელ დაადასტუროთ საქართველოს სუვერენიტეტის მხარდაჭერა და ტერიტორიული მთლიანობა მის საერთაშორისოდ აღიარებულ საზღვრებში. კიდევ ერთხელ, ცალსახად აღვნიშნავ, რომ ჩვენ ვგმობთ რუსეთის შემოჭრას 2008 წელს საქართველოს რეგიონებში, აფხაზეთსა და სამხრეთ ოსეთში, რომლებიც კვლავ ოკუპირებულია რუსეთის მიერ.

დაბოლოს, სახელმწიფო მდივანი შეხვდება საქართველოს სამოქალაქო საზოგადოების წარმომადგენლებს, რათა მოისმინოს მათი შეხედულებები კანონის უზენაესობის შესახებ, სასამართლოს დამოუკიდებლობისა და დამოუკიდებელი სასამართლო სისტემის შესახებ“, - აცხადებენ სახელმწიფო დეპარტამენტში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს