2020-11-11 14:53:18, 702 ნახვა
მსოფლიო
სომხეთში მასშტაბური აქცია მიმდინარეობს - დემონსტრანტები ნიკოლ ფაშინიანის გადადგომას ითხოვენ
სომხეთის დედაქალაქ ერევანში 17 ოპოზიციური პარტიის ორგანიზებით მასშტაბური აქცია მიმდინარეობს, დემონსტრანტები სკანდირებენ "ნიკოლ მოღალატე", - აღნიშნულ ინფორმაციას ადგილობრივი მედია ავრცელებს.
დემონსტრანტების ძირითადი მოთხოვნაა, რომ შეიქმნას "ეროვნული გადარჩენის კომიტეტი" და გადადგეს სომხეთის ამჟამინდელი პრემიერ-მინისტრი, ნიკოლ ფაშინიანი.
როგორც ოპოზიციური პარტიის წარმომადგენლები აქციაზე აცხადებენ, ნიკოლ ფაშინიანი მოღალატეა და მან მთიანი ყარაბაღის კონფლიქტში ომის დასრულების სანაცვლოდ ტერიტორიები დათმო.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
