შინაგან საქმეთა სამინისტროში ცენტრალურ საარჩევნო კომისიასთან მიმდინარე მოვლენებთან დაკავშირებით ბრიფინგი გაიმართა.

როგორც ბრიფინგზე შინაგან საქმეთა მინისტრის მოადგილემ განაცხადა, აქციის წევრებმა სცადეს ძალადობრივი მეთოდების გამოყენა, რის შემდეგაც შსს-მ იმოქმედა კანონის ფარგლებში და გამოიყენა პროპორციული ძალა.

ამასთანავე, სამინისტრო მოუწოდებს ყველა მოქალაქეს, დაიცვან მართლწესრიგი და დაემორჩილონ კანონიერ მოთხოვნას.

"აქციის მონაწილეებმა სცადეს ძალადობრივად შეჭრილიყვნენ ცესკო-ს ტერიტორიაზე, აღნიშნულის საშუალება არ მისცა პოლიციამ, მიუხედავად ამისა, აქციის მონაწილეებმა გააგრძელეს ძალადობრივი მეთოდების გამოყენება და არ დაემორჩილნენ პოლიციის კანონიერ მოთხოვნას, რის შემდეგაც შსს-მ იმოქმედა კანონის შესაბამისად და გამოიყენა პროპორციული ძალა.

შსს, როგორც მართლწესრიგის დაცვაზე პასუხისმგებელი უწყება, მოუწოდებს ყველა მოქალაქეს, აქციის ორგანიზატორებს, წევრებსა და მონაწილე პირებს, დაიცვან მართლწესრიგი, დაემორჩილონ პოლიციის კანონიერ მოთხოვნას, ასევე, აქციის დროს ნებისმიერ სამართალდარღვევის ფაქტზე პოლიციას ექნება მკაცრი და მყისიერი რეაგირება", - აცხადებენ შსს-ში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს