პატივს ვცემ ყველას, ვინც რეალურად მისცა ხმა „ქართულ ოცნებას“, მაგრამ მოვითხოვ პატივი სცენ ჩვენ არჩევანს, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ პარლამენტთან მიმდინარე აქციაზე სიტყვით გამოსვლისას განაცხადა.

მისი თქმით, „ქართულმა ოცნებამ“ უნდა აღიაროს მარცხი და დანიშნოს ხელახალი არჩევნები.

„ეს ხალხმრავლობა მიუთითებს იმას, რომ ჩვენ სწორ გზაზე ვდგავართ. ეს ბევრი ადამიანი მიუთითებს იმას, რომ ჩვენ სიმართლისთვის ვიბრძვით, ეს მიუთითებს იმას, რომ საქართველოში ქართველი ადამიანი არ შეეგუება გაყალბებას, ღირსების აყრას და არც ერთ შემთხვევაში უკან არ დაიხევს. ბევრი სვამს კითხვას, რატომ ვართ აქ შეკრებილები. ჩვენ ძალიან მარტივ რაღაცას ვითხოვთ. ჩვენ ვითხოვთ ჩვენი საარჩევნო ხმის უფლების დაცვას, მეტი არაფერი. დემოკრატია ეს არის, სხვა არ არსებობს ამის გარდა დემოკრატიული.

ვიცი, რომ ახლა ძალიან ბევრი ისეთი ადამიანი გვიყურებს, ვინც შეიძლება „ქართულ ოცნებას“ მისცა ხმა, მაგრამ მინდა ამ ხალხს ვუთხრა, ძვირფასებო ჩვენ თქვენი ნების გამოხატვასაც ვცემთ პატივს, მაგრამ თქვენს ხელისუფლებას იქნებ უთხრათ, რომ ამ მრავალათასიანი ხალხის ნების გამოხატვას სცეს პატივი, აღიაროს მარცხი და დანიშნოს ხელახალი არჩევნები.

სამწუხაროდ, ჩვენი დამოუკიდებლობის მანძილზე ჩვენ მუდმივად გვიწევ ს მოსვლა რუსთაველის გამზირზე. ეს იმიტომ, რომ ქვეყანაში არ არსებობს სამართალი, არ არსებობს კანონი, სასამართლო, კანონის უზენაესობა, პარლამენტი, მთავრობა და მხოლოდ ქუჩის პროტესტით გვიწევს მივაღწიოთ ყოველთვის შედეგს. ამიტომ ვართ აქ, ეს გვინდა რომ დამთავრდეს. ზუსტად ისეთი პარლამენტი გვინდა, რომელიც ხალხს მოუსმენს და ხალხის ნების შესაბამისად მიიღებს გადაწყვეტილებას და არა პარლამენტი, რომელიც ემსახურება კონკრეტული ადამიანების ინტერესებს. მე პატივს ვცემ ყველას, ვინც რეალურად მისცა ხმა „ქართულ ოცნებას“, მაგრამ მოვითხოვ პატივი სცენ ჩვენ არჩევანს. ეს არის ერთადერთი, რაც ახლა გააერთიანებს საქართველოს“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს