2020-11-02 18:37:31, 493 ნახვა
პოლიტიკა
ირაკლი კობახიძე - ფული არჩევნებს ვერ იგებს
ფული არჩევნებს ვერ იგებს, - ასე უპასუხა „ქართული ოცნების“ აღმსარულებელმა მდივანმა ირაკლი კობახიძემ ჟურნალისტის შეკითხვას, იქნებოდა თუ არა იგივე შედეგი 31 ოქტომბრის არჩევნებში, 50 ლარები რომ არ დარიგებულიყო.
მისი თქმით, ფული რომ არჩევნებს იგებდეს, ოქრიაშვილი და ჩოჩელი დღეს მაჟორიტარი დეპუტატები არ იქნებოდნენ.
„როდესაც საუბარია ფულის ჭარბ ხარჯვაზე, შეგიძლიათ მოიკითხოთ რა ხდებოდა ოლქში, რომელსაც ჩვენი მხრიდან წარმოადგენდა გოგი მეშველიანი, რა ხდებოდა მცხეთა-მთიანეთში. ფული არჩევნებს ვერ იგებს. ასე რომ არ იყოს, მერწმუნეთ, ოქრიაშვილიც და ჩოჩელიც არ იქნებოდნენ დღეს მაჟორიტარი დეპუტატები. ამ ოლქებში ჩვენ მოგვიწია დიდ ფულთან შეჯახება, მაგრამ ფულით ვერ მოგვიგეს არჩევნები“, - განაცხადა კობახიძემ.
ავტორი: ექსპრესნიუსი,
epn.ge (@expressnews.ge)
