„ნაციონალური მოძრაობის“ ერთ-ერთმა ლიდერმა, ნიკა მელიამ პროკურატურის მიერ დამაგრებული ელექტრონული სამაჯური რუსთაველის გამზირზე მიმდინარე საპროტესტო აქციაზე მოიხსნა.

მისი თქმით, სამაჯურის ტარებას აღარ აპირებს, რადგან ეს უსამართლობის სიმბოლოა.

„შეუძლებელია, რომ ამაყი, ვაჟკაცი და პატრიოტი ხალხი დაჩაგრო ერთ, ორ ან სამ კონკრეტულ დღეს. ომი გაგვიმართა გუშინ ბიძინა ივანიშვილმა, მაგრამ ჩვენ ეს ომი არ წაგვიგია. ჩვენ ამ ბრძოლაში ვართ და ვიქნებით მანამ, სანამ არ გავიმარჯვებთ უახლოეს დღეებში. აქ დახევა აღარ შეიძლება. აქ დახევა არათუ ღალატის ტოლფასია, არამედ ღალატია. ამ ღალატს ჩვენ არ ჩავიდენთ, ამ მოღალატეობრივ აქტს ჩვენ არ გავაკეთებთ. უამრავი თაობები მდგარა ამ მოედანზე და ყველას გაუმარჯვია საქართველოს განვითარების სახელმწიოებრივ ეტაპებზე.  ჩვენც გავიმარჯვებთ! სხვაგვარი შედეგი შეუძლებელია, უბრალოდ ისტორიის მიერაა აკრძალული. ძალიან მშვიდი და მტკიცე ვარ. ძლიერი ვარ ისე, როგორც არასდროს.

ცივი გონებით ვფიქრობდი, გავაკეთო ის, რისი გაკეთებაც მინდა. ბუნებით ჯიუტი ადამიანი ვარ და რისიც მჯერა, იმას ვაკეთებ. გამორიცხულია, რომ ჩემს თავს ვუღალატო. ეს არის ჩემთვის ყველაზე მნიშვნელოვანი. ერთ-ერთმა ჩემი ოჯახის ახლობელმა მითხრა, ნიკა, მთავარია შენს ცხოვრებაში შენს თავს არ უღალატოო, თუ ჩვენ ჩვენს თავს არ ვუღალატებთ, სხვებსაც ვერ ვუღალატებთ. მე უბრალოდ აღარ ვაპირებ ამ სამაჯურის ტარებას, გამორიცხული ამბავია. მე ამ სამაჯურს აღარ ვატარებ იმიტომ, რომ ეს არის უსამართლობის სიმბოლო, ძალადობრივი სამაჯური, რომელსაც მე აღარ შევიბამ. ზუსტად ვიცი, ვიჯდები მე ციხეში, თუ ვიქნები გარეთ თქვენთან ერთად ერი გაიმარჯვებს და ვიქნებით გამარჯვებულები. მე ვერ მოვთხოვ ჩემს ოჯახის წევრს, რომ ვიბრძოლოთ მაშინ, როდესაც მე თვითონ ვარ სამაჯურშებმული. ამიტომ,  ნახვამდის სამაჯურო“, - განაცხადა ნიკა მელიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს