2020-11-01 16:08:15, 566 ნახვა
პოლიტიკა
გიორგი ვაშაძე - არჩევნების ლეგიტიმურად გამოცხადებაზე უარი უნდა ვთქვათ
არჩევნების ლეგიტიმურად გამოცხადებაზე უარი უნდა ვთქვათ, - ამის შესახებ „სტრატეგია აღმაშენებელის“ ლიდერმა გიორგი ვაშაძემ განაცხადა.
როგორც მან აღნიშნა, გუშინდელ არჩევნებზე ხელისუფლება მოქალაქეების მასობრივ მოსყიდვასა და ძალადობას ახდენდა.
„ლეგიტიმაციის პრობლემა, რა თქმა უნდა, აქვს ამ არჩევნებს, აბა არა აქვს? რაზე ვლაპარაკობთ საერთოდ? მასობრივი მოსყიდვა, მასობრივი ძალადობა, ბოლოს და ბოლოს, ხომ უნდა მორჩეს უბანთან ადამიანების ხროვად მისვლა, რომლებიც უბრალოდ ფსიქოლოგიურ, მენტალურ ზემოქმედებას, ძალადობას ახდენენ მოქალაქეებზე. მე ვიზამ იმას, რაც სხვა ოპოზიციური პარტიები იზამენ. ჩემი აზრით, ჩვენ არჩევნების ლეგიტიმურად გამოცხადებაზე უარი უნდა ვთქვათ,“- განაცხადა ვაშაძემ.
ავტორი: ექსპრესნიუსი,
epn.ge (@expressnews.ge)
