მომავალი 5 წლის განმავლობაში საქართველოს ეკონომიკური ზრდა ერთ-ერთი ყველაზე მაღალი იქნება ევროპაში, - ამის შესახებ საქართველოს პრემიერ-მინისტრმა, გიორგი გახარიამ განაცხადა.

პრემიერის თქმით, გლობალურმა პანდემიამ მოიცვა სოციალური ცხოვრების ყველა სფერო, თუმცა მთავრობა ვერ გაჩერდება, რადგან თითეული სამუშაო ადგილი ამ ქვეყანაში ძვირფასია.

„ყველას კარგად უნდა გვესმოდეს, რომ გლობალურმა პანდემიამ, გამოწვევამ, ვირუსმა, ჩვენი სოციალური ცხოვრების ყველა სფერო მოიცვა, აქ ყველაზე მთავარია, რომ ჩვენ არ და ვერ გავჩერდებით. ვერ გავჩერდებით, რადგან ჩვენ როდესაც ვზრუნავთ ჩვენი მოქალაქეების ჯანმრთლობაზე, ვფიქრობ ჩვენი ეკონომიკისა და სამუშაო ადგილების გაჩენაზე, ვერ გავჩერდებით, რადგან გვესმის, რომ თითოეული სამუშაო ადგილი ამ ქვეყანაში არის ძვირფასი.

ჩვენ ყველას უნდა გვესმოდეს და უნდა გვჯეროდეს, რომ მომავალი 5 წლის განმავლობაში საქართველოს ეკონომიკური ზრდა იქნება ევროპაში, აღმოსავლეთ ევროპაში ერთ-ერთი ყველაზე მაღალი და ჩვენ ეს ყველაფერი უნდა გავაკეთოთ ერთად.

ბოლო წლების განმავლობაში ყველანი ვხედავთ როგორი სიახლე, როგორი ცხოვრების კომფორტული გარემო იქნება თბილისში, თბილისი ყოველწლირად სულ უფრო და უფრო ევროპული ქალაქი ხდება, მაგრამ არ უნდა დაგვავიწდეს, ჩვენ ვალდებულები ვართ ვიფიქროთ და ვიზრუნოთ ქვეყანაზე, ჩვენ უნდა გვქონდეს თანაბარი პირობები საქართველოს ყველა მოქალაქისთვის და არ უნდა ჰქონდეს მნიშვნელობა ცხოვრობს მოქალაქე თბილისში, ბათუმში თუ სხვაგან“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს