„ერთიანი ნაციონალური მოძრაობა“ 31 ოქტომბერს რუსთაველის გამზირზე საღამოს 8 საათიდან აპირებს შეიკრიბოს, - ამის შესახებ „ერთიანი ნაციონალური მოძრაობის"’ერთ-ერთმა ლიდერმა, ზაალ უდუმაშილმა განაცხადა.

მისი თქმით, შეკრების მიზანი მხარდამჭერებთან ერთად  დიდი ეკრანიდან წინასწარ შედეგებზე თვალის მიდევნებაა.

„მინდა გამოვეხმაურო „ქართული ოცნების" მიერ გამართულ ბრიფინგს, ცოტა რთულია ამ ფორმატს დაარქვა ბრიფინგი, რომელსაც ჩვენ ბოლო დღეების განმავლობაში ვხედავთ „ქართულ ოცნებაში" რომელიც დაახლოებით ორი საათი გრძელდება ყოველდღიურად. ეს ბრიფინგები მეტყველებს იმაზე, რომ „ქართული ოცნება" გარდაუვალი მარცხის წინ  წინასაარჩევნო აგონიაში არის.

რაც შეეხება ამ ბრიფინგის შინაარსს, მამუკა მდინარაძემ დღეს განაცხადა, რომ„ნაციონალური მოძრაობა" 31 ოქტომბერს 12 საათიდან რუსთაველის გამზირზე შეკრებას გეგმავს და მრავალათასიანი აქციის ჩატარებს. რაც არის მტკნარი ტყუილი, რადგან „ქართულ ოცნებაში" ან წაკითხულიდან შინაარსი ვერ გამოაქვთ, ან შეგნებულად შეყავთ საზოგადოება შეცდომაში. მე ვფიქრობ ორივე ერთად. მართლაც შესული არის ჩვენი სახელით მერიაში განცხადება 31 ოქტომბერზე, ოღონდ ჩვენ შეკრებას ვგეგმავთ არა დილის 12 საათიდან, არამედ საღამოს 8 საათის შემდეგ, მას შემდეგ, რაც საარჩევნო უბნები დაიხურება. ჩვენ ვგეგმავთ ჩვენს მოსახლეობასთან ერთად ვადევნოთ თვალი თუ როგორ შედის საარჩევნო ოქმები ცენტრალურ საარჩევნო უბანში და რაც მთავარია, ერთად ავღნიშნოთ გამარჯვება.

რაც შეეხება 12 საათს, რაც ამ განცხადებაში არის მითითებული, 12 საათზე რუსთაველის გამზირზე იქნება ჩვეულებრივი ტექნიკური პერსონალი, რომელმაც უნდა ააწყოს სცენა და მოამზადოს საღამოს 8 საათისთვის. ამ ყველაფერს სწორედ 6-7 საათი სჭირდება და ამიტომ არის მითითებული ამ განაცხადში 12 საათი. ამიტომ ბატონებო, მოეშვით ტყუილების ტირაჟირებას მუდმივად და საათობით ეკრანიდან. გასაგებია, რომ ნერვიულობთ და სანერვიულო ნამდვილად გაქვთ, რადგან თქვენ 31-ში საქართველოს მოსახხლეობა დაგემშვიდობებათ“, - განაცხადა ზაალ უდუმაშვილმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს