„ქართული ოცნება - დემოკრატიული საქართველოს" პარტიული სიის მეოთხე ნომრის, თეა წულუკიანის ინფორმაციით, არსებობს სქემა, რომლითაც რადიკალური ოპოზიცია შეეცდება ცრუ ინფორმაციის შექმნას.

მისივე თქმით, აღნიშნული სქემის მიხედვით, გავრცელდება ცრუ ინფორმაციები, რომ იყო საარჩევნო დარღვევები და სხვადასხვა ინსტიტუტებმა არჩევნების ჩატარებას ვერ გაართვეს თავი.

თეა წულუკიანის განმარტებით, წლევანდელ არჩევნებზე დამკვირვებელთა რიცხვი გაორმაგებულია

„ჩვენ ვხედავთ ბოლო დღეებშo და მანამდეც გამოქვეყნებულ სხვადასხვა კვლევას, ასევე ჩვენი პარტია ვართ მუდმივ კონტაქტში ამომრჩეველთან და ყველაფერი ეს მოწმობს, რომ მმართველ პარტიას და ჩვენს გუნდს აქვს 60 პროცენტამდე მხარდამჭერა, რა თქმა უნდა, ეს კარგად იციან ოპონენტებმაც და ამას აჩვენებს, როგორც ჩვენი კანდიდატების მხარდამჭერი ორგანიზაციების გაკეთებული სხვადასხვა ორგანიზაციები, რასაც თავადაც ატარებენ და ყველამ ძალიან კარგად ვიცით, ჩვენი მხარდამჭერების რაოდენობა.

ეს არის რეალობა, მათ იციან რომ არჩევნებს აგებენ, თუმცა ჩვენი ინფორმაციით, არსებობს სქემა, რომლის თანახმადაც ოპოზიციური სპექტრი და მათი ზოგიერთი რადიკალური წარმომადგენელი შეეცდებიან რომ შექმნან ცრუ ინფორმაციები, იმასთან დაკავშრებით, რომ თითქოს იყო საარჩევნო დარღვევები და სხვადასხვა ინსტიტუტებმა არჩევნების ჩატარებას ვერ გაართვეს თავი.

ეს სქემა არსებობს და ერთ-ერთი კომპონენტი სწორედ ამ სქემის რომელიც ხაზს ვუსვამ, ღია ინფორმაციებზე, ღია წყაროებზე დაყრდნობით „ქართული ოცნების“ მონიტორინგის ჯგუფმა შეადგინა, მინდა დღეს წარმოგიდგინოთ. დასაწყისისთვის, ყველას მინდა შევახსენო, რომ რამდენიმე დღის წინ ეუთო/ოდირმა გამოაქვეყნა შუალედური ანგარიში, სადაც პირდაპირ არის ნათქვამი, რომ - „საქართველოში სადამკვირვებლო ორგანიზაციების მნიშვნელოვანი ნაწილი პოლიტიკურ პარტიებთან არის აფილირებული," სწორედ ამ შესავალს გავაგრძელებ. ჩვენ რა თქმა უნდა, ამ კონსტანტაციას ვეთანხმებით და ვიტყვი, რომ წელს თავისთავად მისასალმებელია, რომ დამკვირვებელთა რიცხვი არის გაორმაგებული," - განაცხადა თეა წულუკიანმა. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს