საქართველოს ექსპრეზიდენტი, მიხეილ სააკაშვილი აცხადებს, რომ ზუგდიდში გუშინ განვითარებული მოვლენები ნიშნავს, რომ საქართველოს სახელმწიფო პრაქტიკულად განადგურებულია.

მისივე თქმით, საქართველოშია ბიუჯეტის ქურდებისა და კრიმინალების ჰიბრიდი.

„რა იყო ის, რაც გუშინ ჩვენ ვნახეთ, ასეთი რამე, არა მხოლოდ საქართველოში არ იყო არასდროს წარმოსადგენი, შევარდნაძის დროსაც კი, ასეთი რამე შეუძელებელია ოდნავ მაინც ორგანიზებულ სახელმწიფოში ნებისმიერი სხვა ქვეყანაში, მაგრამ საქმე იმაშია, რომ საქართველოს სახელმწიფო მათ პრაქტიკულად გაანადგურეს, რაშიც ჩვენ გუშინ დავრწმუნდით. საქართველოში აღარ არის სახელმწიფო, საქართველოშია ბიუჯეტის ქურდების და კრიმინალების ჰიბრიდი“, - განაცხადა მიხეილ სააკაშვილმა.

მისივე განცხადებით, საქართველოს მოქალაქეებს აქვთ დიდი დაუცველობის განცდა, არა მხოლოდ ჯანმრთელობის და ფინანსური, არამედ ფიზიკური კუთხითაც, რაც გააკეთა ბიძინა ივანიშვილმა.

„გუშინ შეიარაღებული თავდამსხმელი მივიდა თავდასხმის ადგილზე, ჩაცმულობით, იარაღით, როგორც ამბობენ, გატაცებული მანქანით, ქალაქის ცენტრში, ისე, რომ არავინ გააჩერა, რატომ? იმიტომ, რომ იქ იყო დაგეგმილი „ნაციონალური მოძრაობის" მრავალათასიანი აქცია, და მთელი სუს-ი და პოლიცია კი გადართული იყო იმ აქციის კონტროლზე. „მარშუტკა" არავის წაეყვანა დამატებით, ავტობუსებს აკონტროლებდნენ, სურათებს უღებდნენ ხალხს და მათ არ ეცალათ ნამდვილად მოქალაქეთა უსაფრთხოებისთვის და კრიმინალებისთვის. შედეგად მივიღეთ ის, რაც მივიღეთ", - აღნიშნა მიხეილ სააკაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს