„მივიღეთ გადაწყვეტილება, მოვხსნათ ჩვენი კანდიდატურები მაჟორიტარულ ოლქებში (4 საარჩევნო ოლქში) და მთელი ძალისხმევა მივმართოთ არჩევნების პროპორციული ნაწილისაკენ, სადაც მნიშვნელოვან წარმატებაში ვართ დარწმუნებულნი“, - ამის შესახებ პარტია „თავისუფალი დემოკრატების“ გენერალურმა მდივანმა ემზარ კაკულიამ პარტიის ცენტრალურ ოფისში გამართულ ბრიფინგზე განაცხადა.

მისივე განმარტებით, პარტია „თავისუფალი დემოკრატების“ მიერ წარდგენილ მაჟორიტარებს არ აქვთ რეალური გამარჯვების, ან მეორე ტურში გასვლის შანსები. პარტიის მხარდამჭერებისა და მოხალისეების მიერ ჩატარებული გამოკითხვებისა და კვლევების თანახმად, შედეგი სწორედ ამგვარი დაიდო.

ემზარ კაკულიას განმარტებით, ამ ეტაპზე უმჯობესია, ის მცირე რესურსი, რომელიც პარტიას რეალურად შერჩა, მიმართული იქნას, სწორედ პარტიული ხმების მობილიზებაზე. ამ ეტაპზე მაჟორიტარის კანდიდატურა მოხსნილი არაა მხოლოდ საბურთალოს საარჩევნო ოლქში, რომელშიც „თავისუფალ დემოკრატებს“ წარდგენილი ჰყავთ ვიტალი დარასელია.

„ჩვენ ვართ რეალისტები და ბევრი ოპოზიციური პარტიისაგან განსხვავებით, რეალურად ვაფასებთ ჩვენს შესაძლებლობებს.

სამწუხაროდ, ჩვენს მაჟორიტარებს არ აქვთ პირველივე ტურში გამარჯვების ან მეორე ტურში გასვლის რეალური, მაღალი შანსები, რის გამოც გადავწყვიტეთ, მთელი ჩვენი რესურსი (და პირველ რიგში საუბარია ადამიანურ რესურსებზე), მივმართოთ პარტიული ხმების მობილიზებაზე, რათა პარტიას ჰყავდეს მეტი წარმომადგენელი, ხელისუფლების რეალური პრობლემების და ხარვეზების გამკრიტიკებელი ოპონენტი საქართველოს პარლამენტში.

შესაბამისად, მივიღეთ გადაწყვეტილება, მოვხსნათ ჩვენი კანდიდატურები მაჟორიტარულ ოლქებში და მთელი ძალისხმევა მივმართოთ არჩევნების პროპორციული ნაწილისკენ, სადაც მნიშვნელოვან წარმატებაში ვართ დარწმუნებულნი“, - განაცხადა ემზარ კაკულიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს