2020-10-16 19:54:55, 572 ნახვა

---

მეუფე გიორგი დავით-გარეჯზე - წინა და ახლანდელ ხელისუფლებას დავით-გარეჯთან მიმართებაში არასახელმწიფოებრივი მიდგომა ჰქონდათ და აქვთ

„წინა და ახლანდელ ხელისუფლებას დავით-გარეჯთან მიმართებაში არასახელმწიფოებრივი მიდგომა ჰქონდათ და აქვთ“ , - ამის შესახებ მარენულისა და ჰუჯაბის ეპისკოპოსმა მეუფე გიორგიმ განაცხადა.

მან ასევე აღნიშნა, რომ დღევანდელი ხელისუფლება ამ საკითხს ვიწრო პოლიტიკური მიზნებისთვის იყენებს.

„საარჩევნოდ გარეჯის საკითხის წამოწევა, მით უმეტეს იმ დროს, როდესაც რეგიონში ასეთი ვითარებაა, შესაძლოა ვიწრო პოლიტიკურ მიზნებს ემსახურებოდეს. არასახელმწიფოებრივი მიდგომა რომ ჰქონდათ წინა ხელისუფლებასაც და თუნდაც, დღევანდელ ხელისუფლებასაც ამ რვა წლის განმავლობაში გარეჯთან მიმართებით, ეს ცალსახაა.

რაც შეეხება გამოძიებას, ჩემი აზრი არის, რომ ალბათ, ამ პიროვნებების პატიმრობის გარეშეც შეიძლებოდა გამოძიების წარმართვა, ასე რომ არ გამძაფრებულიყო ეს საკითხი. არა მგონია, ისინი მიმალვაში გადასულიყვნენ.

შესაძლოა დღევანდელი ხელისუფლება ვიწრო პოლიტიკური მიზნებისთვის იყენებდეს დავითგარეჯის საკითხს“ ,  – განცახადა მეუფე გიორგიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი