ვენეციის კომისიის დასკვნა საერთო ჯამში პოზიტიური იყო, - ამის შესახებ „ქართული ოცნების“ წევრლა მამუკა მდინარაძემ „საზოგადოებრივი მაუწყებლის“ დებატებში განაცხადა.

მან ასევე აღნიშნა, რომ 2013 წლიდან მოყოლებული ყველა დასკვნა იყო დადებითი.

„დასკვნა საერთო ჯამში იყო პოზიტიური.

2013 წლიდან მოყოლებული ყველა საბოლოო დასკვნა იყო პოზიტიური, რაც შეეხება ბოლო ტალღას, არჩევნებამდე ერთი თვით ადრე საპარლამენტო სხდომები ასრულებს მუშაობას. ამიტომ ან შემდეგ პარლამენტს უნდა განეხილა ეს საკითხი, ან უნდა დაგვემთავრებინა, პირადი კომუნიკაციები გვქონდა და ვენეციის კომისიის წევრებმა იცოდნენ, რომ ჩვენ გვქონდა ბოლო სხდომა, სადაც შეგვეძლო მიგვეღო ეს გადაწყვეტილება.

ჩვენ ასეც მოვიქეცით და ძალიან სასიხარულოა, რომ დასკვნა პოზიტიურია. იქ იყო რამდენიმე გამოწვევაზე საუბარი და ჩვენ ვაგრძელბთ მუშაობას, გამორიცხულია ითქვას, რომ იდეალურად დასრულდა ყველაფერი და გამოწვევა აღარ არის. გამოწვევები უამრავი რჩება და როდესაც ჩვენ ვამბობ, რომ 2024 წელს უნდა გავაკეთოთ განაცხადი ევროკავშირის წევრობაზე, სასამართლო რეფორმის გაგრძელება არის უმნიშნელოვანესი ეტაპი და რაც არ უნდა ილაპარაკონ ოპონენტებმა, შედეგი მივიღედ და ჩვენ ამას გავაგრძელებთ აუცილებლად“ , - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა