2020-10-15 17:16:48, 627 ნახვა
საზოგადოება
მუშაობის განახლებიდან დღემდე თბილისში 14 ბაღი დროებით დაიხურა
თბილისის საბავშვო ბაგა-ბაღების მართვის სააგენტოს ხელმძღვანელმა, კახაბერ გვანცალაძემ განაცხადა, რომ მუშაობის განახლებიდან დღემდე თბილისში 14 ბაღი დროებით დაიხურა.
გვანცალაძის თქმით, აღნიშნული უკავშირდება კორონავირუსით ინფიცირებულ 12 თანამშრომელსა და 2 ბავშვს.
„სამწუხაროდ 14 ბაღში უკვე დაფიქსირდა კორონავირუსით ინფიცირების შემთხვევა. მათ შორის 12 თანამშრომელია და 2 ბავშვი. მაგრამ ჩვენ ჩვეულებრივ ვაგრძელებთ მუშაობას. გვყავს აყვანილი კონტროლზე სიტუაცია. ორშაბათს არ გავხსენით 4 ბაღი და მას შემდეგ კიდევ 10 ბაღი დავხურეთ“, - განაცხადა გვანცალაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
