„ისე დამდაბლდნენ, რომ „პატრიოტთა ალიანსის“ მიერ შეკვეთილ პოლიტიკურ თემას გაჰყვნენ“, - ასე გამოეხმაურა „ნაციონალური მოძრაობის“ წევრი სალომე სამადაშვილი დავით-გარეჯის საქმეზე ორი ექსპერტის დაკავებას.

სამადაშვილის თქმით, წარმოუდგენელია რომ დამოუკიდებელმა სასამართლომ დაკავებულ ორ პირის რაიმე აღკვეთი ღონისძიება მიუსაჯოს.

„ახლა გადაწყვიტეს, რომ ასე დამდაბლდნენ, რომ „პატრიოტთა ალიანსის“ მიერ შეკვეთილ პოლიტიკურ თემას გაჰყვნენ და ამ ყველაფრის მსხვერპლი გახდა ორი ექსპერტი. მათი დაკავება არის ადამიანის უფლებათა ყოველგვარი დარღვევა. მე წარმოუდგენლად მიმაჩნია დამოუკიდებელმა სასამართლომ მიუსაჯოს ამ ადამიანებს რაიმე აღკვეთი ღონისძიება“, - განაცხადა სამადაშვილმა.

შეგახსენებთ, რომ პროკურატურამ გუშინ დავით-გარეჯის საქმეზე კომისიის ყოფილი წევრები ივერი მელაშვილი და ნატალია ილიჩოვა დააკავა. გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე, საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა