2020-10-06 18:21:15, 721 ნახვა
მსოფლიო
აზერბაიჯანის არმია მთიან ყარაბაღში ქალაქ ხანქენდს ბომბავს
აზერბაიჯანის არმია მთიან ყარაბაღში ქალაქ ხანქენდს ბომბავს, - ამის შესახებ ინფორმაციას სომხური მედია ქვეყნის თავდაცვის სამინისტროზე დაყრდნობით ავრცელებს.
არაღიარებული მთიანი ყარაბაღის ე.წ. ადმინისტრაცია აცხადებს, რომ აზერბაიჯანის არმიის სამიზნე მშვიდობიანი მოსახლეობა გახდა.
შეგახსენებთ, მთიან ყარაბაღში საბრძოლო მოქმედებები 27 სექტემბრის შემდეგ დაიწყო და დღემდე არ წყდება. დაღუპული და დაშავებულია ასობით ადამიანი. მათ შორის არიან მშვიდობიანი მოქალაქეებიც.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
