2020-10-05 12:01:12, 698 ნახვა
რეგიონი
გორში, კლინიკა „იავნანაში“ ინტოქსიკაციის ნიშნებით 46 ბავშვი შეიყვანეს
გორში, სამედიცინო ცენტრ „იავნანაში“ მოწამვლის სიმპტომებით 46 ბავშვი შეიყვანეს.
კლინიკის კრიტიკული მედიცინის დეპარტამენტის ხელმძღვანელის, ლია ლაზარაძის განცხადებით, 16 რჩება სტაციონარში, დანარჩენები კი ბინაზე გაეწერნენ.
„აღნიშნულ შემთხვევას მშობლები უკავშირებენ საკვებს ან წყალს. აღენიშნებათ ბაქტერიული საკვებისმიერი მძიმე დაუზუსტებელი ინტოქსიკაცია, ჰქონდათ მსგავსი სიმპტომბი - გულის რევა, ღებინება, რაც შესაძლოა, გამოიწვია საკვებმა, წყალმა, ან ვირუსი იყოს. ძნელია იმის თქმა, რამ გამოიწვია მოწამვლა. გადმოცემით ვიცი, რომ ზოგიერთი ბავშვის მშობელსაც მსგავსი სიმპტომები აქვს და სხვა კლინიკებს მიმართეს“,- განაცხადა ლია ლაზარაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
