ქუთაისის საერთაშორისო აეროპორტში რიგის მიმართულებით რეგულარული ავიარეისები განახლდება

2020-10-04 14:35:51, 623 ნახვა

საზოგადოება

ქუთაისის საერთაშორის აეროპორტი 6 თვიანი პაუზის შემდეგ რეგულარულ აივიარეისებს განაახლებს.

უნგრული ავიაკომპანია Wizz Air, პირველ ეტაპზე, რიგა-ქუთაისის-რიგას საჰაერო რეისებს კვირაში ერთხელ შეასრულებს.

ამის შესახებ „ექსპრესნიუსს“ ქუთაისის აეროპორტში განუცხადეს.

მათივე ინფორმაციით, ტერმინალში დაიშვებიან მხოლოდ მგზავრები. ტერმინალში გამცილებლის შესვლა ნებადართულია მხოლოდ არასრულწლოვანისა და შშმ პირის თანხლების შემთხვევაში.

მგზავრებს, რომლებსაც 37.5 ზე მეტი ტემპერატურა დაუფიქსირდებათ ტერმინალში არ დაიშვებიან.

შეგახსენებთ, რომ COVID 19-ის პანდემიის პერიოდში არსებული შეზღუდვებიდან გამომდინარე, ქუთაისის საერთაშორისო აეროპორტში მხოლოდ ჩარტერული, საწვრთნელი და არაკომერციული დაშვებები ხორციელდებოდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,