"პატრიოტთა ალიანსის" მასშტაბურ აქციამდე ერთი დღით ადრე ქვეყნის მთავარი ოპოზიციური ძალის წარმომადგენლებმა მოსახლეობას  საგანგებო ბრიფინგის საშუალებით მიმართეს. "პატრიოტთა ალიანსის" მაჟორიტარობის კანდიდატმა ვაკის ოლქში ნანა დევდარიანმა იმ პროცესებზე ისაუბრა, რომელიც ქვეყანაში დღეს მიმდინარეობს. მისი თქმით, თვალსაჩინოა ხელისუფლების ჩანაცვლების მცდელობის პროცესი, რომელსაც  ხელს "ქართული ოცნება" და "ნაციონალური მოძრაობა" უწყობენ. სწორედ ამიტომ "პატრიოტთა ალიანსის" წარმომადგენლები საზოგადოებას მოუწოდებენ, ხვალ, 3 ოქტომბერს, თავისუფლების მოედანზე, 17:00 საათზე მივიდნენ და მოსალოდნელი გაყალბება გააპროტესტონ.

"ყველამ კარგად უნდა გაიაზროს, რომ ჩვენ ვდგავართ რეალური საფრთხის წინაშე, მივიღოთ შერწყმული "ნაციონალური", "ევროსაქური" და "ქართული ოცნების" მთავრობა. თუ ვინმეს ეს პერსეპქტივა ხიბლავს, მინდა გითხრათ, რომ მოსახლეობის, ამომრჩევლის უმეტესობას ნამდვილად არ აქვს ამის სურვილი და ეს არ არის ჩვენი ხალხის დაკვეთა. ჩვენი ვალია, დავამსხვრიოთ ეს ტყუილი, დავუპირისპიროთ სიმართლე, იმიტომ რომ სიმართლეზე დიდი ძალა არ არსებობს არც ადამიანურ ცხოვრებაში, არც პოლიტიკაში და არც არსად ზოგადად და მე მინდა მოგიწოდოთ ჩვენი გუნდის ყველა წევრის სახელით. მოგვენდეთ ჩვენ! გააკეთეთ არჩევანი საკუთარი ხალხისა და სამშობლოს სასარგებლოდ! დაუჯერეთ "პატრიოტებს"! ყველა, ვისთვისაც მიუღებელია ასეთი პოლიტიკური მანიპულაციები და "ნაცმოძრაობისა" და "ქართული ოცნების" შერწყმული მთვარობის წარმოშობა ჩვენს თვალწინ, ყველანი მობრძანდით ხვალ, 3 ოქტომბერს, 5 საათზე, თავისუფლების მოედანზე!" - განაცხადა პარტია "პატრიოტთა ალიანსის" მაჟორიტარი დეპუტატობის კანდიდატმა ვაკის ოლქში ნანა დევდარიანმა.

https://www.youtube.com/watch?v=mBvPyE4KlEc

ავტორი: NS (სტატია დაფინანსებულია),

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა