საოკუპაციო რეჟიმის მიერ დაკავებული ხვიჩა მღებრიშვილი თავისუფალია

2020-09-25 13:33:06, 724 ნახვა

საზოგადოება

საოკუპაციო რეჟიმის მიერ დაკავებული ხვიჩა მღებრიშვილი 86 დღიანი უკანონო პატიმრობის შემდეგ თავისუფალია.

მღებრივშვილი საქართველოს კონტროლირებად ტერიტორიაზე სულ რამდენიმე წუთის წინ გადმოვიდა.

„მისი ჯანმრთელობის მდგომარეობა არის კარგი. გარემოებიდან გამომდინარე იგი ექვემდებარება კარანტინის გავლას. კარანტინის შემდეგ მეტი კომუნიკაცია გვექნება და მეტ ინფორმაციას შევიტყობთ. ძალადობის ვიზუალური ნიშნები მას არ აღენიშნება“, - განაცხადა ირაკლი ანთაძემ.

შეგახსენებთ, რომ რომ მეჯვრისხევის მცხოვრები ხვიჩა მღებრიშვილი საოკუპაციო ძალების წარმომადგენლებმა 3 ივლისს დააკავეს. დე ფაქტო ხელისუფლების უშიშროების კომიტეტი მას ღამურებზე უკანონო ნადირობას ედავებოდა. ოკუპირებული აფხაზეთის რეჟიმმა მღებრიშვილი გაასამართლა და 3 თვიანი პატიმრობაც მიუსაჯა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან