2015-09-14 15:55:47, 532 ნახვა
პოლიტიკა
პარლამენტის თავჯდომარემ მთავრობას უსაყვედურა
პარლამენტის თავჯდომარე დავით უსუფაშვილმა, მთავრობას პარლამენტში ანგარიშის წარდგენის ვადების დარღვევისთვის უსაყვედურა.
როგორც უსუფაშვილმა ბიუროს სხდომაზე განაცხადა, მთავრობას ანგარიში 11 სექტემბრის ნაცვლად, 4 სექტემბრამდე უნდა წარედგინა.
მან მთავრობას მოუწოდა, რომ ვადები დაიცვას.
„ეს ცხადია დარღვევაა, მაგრამ არა იმ ტიპის, რომელზეც შეიძლება პარლამენტმა სანქციებზე იმსჯელოს. მაგრამ თავად ანგარიშის განხილვის დროს კომიტეტებში ამ თემაზე ყურადღება იქნება გამახვილებული“, - განაცხადა დავით უსუფაშვილმა.
პარლამენტის თავჯდომარის თქმით, პარლამენტი მთავრობის ანგარიშს 1 თვის განმავლობაში, 15 ოქტომბრამდე განიხილავს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
