ანდრია ჯაღმაიძე - ადგილი, სადაც „პატრიოტთა ალიანსის“ კანდიდატს წარადგენენ, ბაგრატის ტაძარს არ ეკუთვნის

2020-09-02 14:13:24, 5772 ნახვა

კომენტარი

საქართველოს საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძის განცხადებით, ადგილი, სადაც „პატრიოტთა ალიანსი“ კანდიდატს წარადგენენ, ბაგრატის ტაძარს არ ეკუთვნის.

ამის შესახებ განცხადებას ანდრია ჯაღმაიძე სოციალურ ქსელში აქვეყნებს.

„დღეს ჟურნალისტებისგან იყო შეკითხვები, ბაგრატის ტაძრის მიმდებარე ტერიტორიაზე პატრიოტთა ალიანსის კანდიდატის წარდგენის ღონისძიებასთან დაკავშირებით.

როგორც ეპარქიიდან შემატყობინეს, დღეის მდგომარეობით, აღნიშნული ტერიტორია სახელმწიფო საკუთრებაშია და იქ სხვადასხვა დროს იმართება ღონისძიებები, რომელსაც არ უთანხმებენ ეპარქიას.

ცნობისათვის, ისტორიულად ეს მიწა ეკუთვნოდა ბაგრატის ტაძარს, თუმცა შემდგომში ტაძარს გადაეცა მხოლოდ ნაწილი ისტორიულად კუთვნილი ტერიტორიისა, ხოლო ეს ადგილი სახელმწიფოს საკუთრებაში რჩება”, - ვკითხულობთ განცხადებაში.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან