თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის 38 ახალი შემთხვევიდან 5-ის ინფიცირების წყარო უცნობია.

მისივე თქმით, დღევანდელი მონაცემებით, კოვიდ ცენტრებში მკურნალობს 251 დადასტურებული პაციენტი.

„38 დადასტურებული შემთხვევის განაწილება ასეთი გახლავთ: 22 არის ბათუმის საკონდიტრო მაღაზია „დონას“ კლასტერიდან, 7 შემთხვევა გახლავთ დაავადებულ პაციენტებთან კონტაქტი, 4 შემთხვევა შემოტანილია და აქედან 2 სატვირთო ავტომანქანის მძღოლია, 5 პირზე კი მიმდინარეობს კვლევა კონტაქტების მოძიების და წყაროს დადგენის თვალსაზრისით.

გამოჯანმრთელებულების პროცენტული მაჩვენებელი დღევანდელი მონაცემებით 82 გახლავთ.  დღევანდელი მონაცემებით, კოვიდ ცენტრებში მკურნალობს 251 დადასტურებული შემთხვევა. აქედან რეანიმაციისა და ინტენსიური თერაპიის განყოფილებაში მკურნალობს 3 კრიტიკულად მძიმე პაციენტი და 15 მძიმე პაციენტი, დანარჩენების მდგომარეობა არის საშუალო და საშუალოზე მსუბუქი“, - განაცხადა მარინა ეზუგბაიამ.

როგორც მან აღნიშნა, ამჟამად, თბილისის ინფექციურ საავადმყოფოში კორონავირუსით ინფიცირებული 13 პაციენტი მკურნალობს, საიდანაც ერთის მდგომარეობა კრიტიკულად მძიმეა.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს