პუტინი კორონავირუსს საზღვრების შეცვლისთვის იყენებს, - ამ სათაურით აქვეყნებს სტატიას გერმანული გამოცემა BILDplus.

სტატიაში საუბარია რუსეთის მიერ საქართველოს ოკუპაციაზე.

„ძლიერი რუსეთის ომი პატარა საქართველოს წინააღმდეგ დღევანდელ დღეს, 12 წლის წინ დაიწყო. ბრძოლა ხუთ დღეს გაგრძელდა. სულ რაღაც ორი კვირის შემდეგ, კრემლმა ოკუპირებული ტერიტორიები, სამხრეთ ოსეთი და აფხაზეთი, დამოუკიდებლად გამოაცხადა. ფარსი არ ცნო მსოფლიოს სახელმწიფოების 97-მა პროცენტმა. რუსეთი არასოდეს დასჯილა საქართველოში მიმდინარე აგრესიის გამო.

პუტინი აგრძელებს ესკალაციას. განსაკუთრებით კორონას კრიზისის დროს, კრემლი ინტენსიურად ახდენს ჰიბრიდულ ომს საქართველოს წინააღმდეგ. იმ პერიოდში, როდესაც საქართველო და მთელი მსოფლიო ყველაზე დაუცველი იყო, რუსეთმა გააფართოვა ჰიბრიდული არსენალი, მათ შორის აგრესიული მედია პროპაგანდის თვალსაზრისით.

იმ დროს, როდესაც მთელი მსოფლიო ფოკუსირდება კოროვირუსის გავრცელების წინააღმდეგ, რუსეთის საოკუპაციო ძალები განაგრძობენ საოკუპაციო ხაზის გასწვრივ სასაზღვრო ნიშნების, მავთულხლართებისა და სხვა ბარიერების დაყენების არალეგალურ პროცესს.

ოკუპანტების მიერ ე. წ. სასაზღვრო-გამშვები პუნქტების დაკეტვის გამო მთავრობა ვეღარ ახერხებს ოკუპირებულ ტერიტორიებზე საკუთარი მოსახლეობისთვის საჭირო სამედიცინო დახმარების გაწევას, რამაც ახალგორის  რაიონში ერთი პაციენტის ტრაგიკულად გარდაცვალებაც კი გამოიწვია. საოკუპაციო ძალებმა დაჭრეს და შემდეგ დააკავეს კიდევ ერთი ქართველი.

ჰიბრიდული ომის რუსული ტაქტიკა რამდენიმე თვის განმავლობაში მიზნად ისახავს საქართველოში კოვიდ-19-ის წინააღმდეგ ბრძოლის მნიშვნელოვან ცენტრზე, დაავადებათა კონტროლისა და საზოგადოებრივი ჯანმრთელობის ცენტრზე თავდასხმას", - ვკითხულობთ სტატიაში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება