2020-08-05 14:23:08, 3071 ნახვა

---

შაქარაშვილის საქმის პროკურორი - გვაქვს მოლოდინი, რომ დაცვის მხარის ყველა მტკიცებულებას დაუშვებლად ცნობენ

გიორგი შაქარაშვილის საქმის პროკურორის, ნანა გუგუტიშვილის განცხადებით, ბრალდების მხარეს აქვს მოლოდინი, რომ მათ მიერ წარდგენილი ყველა მტკიცებულება ცნობილი იქნება დასაშვებად.

პროკურორი აღნიშნავს, რომ მათ აქვთ იმის მოლოდინიც, რომ დაცვის მხარის ყველა მტკიცებულებას დაუშვებლად ცნობენ.

„ბრალდების მხარეს აქვს გონივრული მოლოდინი რომ ჩვენ მიერ წარდგენილი ყველა მტკიცებულება ცნობილი იქნება დასაშვებად, ვინაიდან ყველა მტკიცებულება მოპოვებულია საპროცესო კანონმდებლობათა მოთხოვნების დაცვით. ჩვენ გვაქვს შუამდგომლობა დაცვის მხარის ყველა მტკიცებულების დაუშვებლად ცნობის შესახებ, რაზეც გვაქვს მოლოდინი რომ სასამართლო დაუშვებლად ცნობს“, - განაცხადა პროკურორმა.

ცნობისთვის, ამ წუთებში მცხეთის რაიონულ სასამართლოში გიორგი შაქარაშვილის საქმეზე ბრალდებული 6 არასრულწლოვნის პროცესი მიმდინარეობს.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი