პარლამენტის თავმჯდომარის დავით უსუფაშვილის შეფასებით, კონფერენციის „ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები , თავისუფლება და ადამიანური ღირსება ფრონტისპირა ქვეყნებში“ თბილისში ჩატარება, ნიშნავს, რომ საქართველოში არსებული პრობლემები არა მხოლოდ ჩვენს ქვეყანას, არამედ მთელს ევროპულ და დემოკრატიულ სამყაროს ეხება.

„კონფერენცია ეძღვნება ევროპის უსაფრთხოებას, ევროპის მთლიანობას და ის ტარდება თბილისში. ეს არის იმის დასტური, რომ საქართველო არის ევროპული ცხოვრების შემადგენელი ნაწილი და კონფერენცია თბილისში ეძღვნება არა მხოლოდ ქართულ პრობლემებს, არამედ ევროპის უსაფრთხოებისა და მთლიანობის პრობლემებს. ეს არის იმის გააზრება, საერთაშორისო ორგანიზაციების, სხვადასხვა ქვეყნების მხრიდან, რომ საქართველოს პრობლემები არის არა მხოლოდ ჩვენი ქვეყნის, არა მხოლოდ სამხრეთ კავკასიის, არამედ ეს არის მთელი ევროპისა და დემოკრატიული სამყაროს პრობლემა. სწორედ ამ კონტექსტშია განხილული ძალიან ბევრი საკითხი, მათ შორის რუსეთთან ურთიერთობის და ყველა, ვინც საქართველოში ჩამოდის, ვისაც უცხოეთში ვხვდებით, მიუთითებს იმაზე, რომ საქართველო ატარებს ძალიან პრინციპულ, გონივრულ და სწორ პოლიტიკას როგორც მეგობრებთან ურთიერთობაში, ევროპასთან, აშშ-სთან, ისე მტრებთან“, - აღნიშნა უსუფაშვილმა.

მისივე თქმით, ქვეყნის პოლიტიკა მტრებთან და მეგობრებთან მიმართებაში უნდა იყოს სწორი და ამა თუ იმ ქვეყნის მხოლოდ აგრესორად აღიარება, საქართველოს პრობლემებს ვერ მოაგვარებს.

„ევროპასთან, აშშ-სთან, ნატო-სთან, ევროკავშირთან ერთად, ჩვენ დავძლევთ ამ პრობლემებს. ცალკე და მარტო, რა თქმა უნდა ვერ გავუმკლავდებით. ამიტომ არის აუცილებელი ინტეგრაციის პროცესის დაჩქარება, ვიზალიბერალიზაციის პროცესის წარმატებით დასრულება, ვარშავის სამიტზე ნატოსთან ურთიერთობაში მნიშვნელოვნი ნაბიჯის წინ გადადგმა, ჩვენ ამ ყველაფრის წინაპირობა გვაქვს“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა