2020-07-24 11:33:24, 18823 ნახვა

---

თბილისის ინფექციურ საავადმყოფოში კორონავირუსის დიაგნოზით 38 პაციენტი მკურნალობს, მათგან სამის მდგომარეობა მძიმეა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციური საავადმყოფოში კორონავირუსის დიაგნოზით 38 პაციენტი მკურნალობს, მათგან სამის მდგომარეობა მძიმეა.

მისივე თქმით, დანარჩენი პაციენტების მდგომარეობა საშუალო და საშუალოზე მსუბუქია.

„ჩვენთან გუშინ იყო 30 დადასტურებული შემთხვევა. გუშინ გამოჯანმრთელებული არ გვყოლია, შემოვიდა 8 ახალი დადასტურებული შემთხვევა. აქედან 5 გახლავთ ლილოს ბაზრობის წყარო, 2 გახლავთ გაჩიანი და 1 გახლავთ სამედიცინო პერსონალი. გვყავდა 2 მძიმე პაციენტი და გუშინდელი შემოსულებიდან დაგვემატა კიდევ 1 ახალი მძიმე პაციენტი. სამივე მათგანის მდგომარეობა დინამიკაში არ უარესდება და სტაბილურია, ალბათ გამოსავალი კეთილსაიმედო იქნება. დნარჩენი პაციენტების მდგომარეობა საშუალო და საშუალოზე მსუბუქი გახლავთ“, - განაცხადა მარინა ეზუგბაიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი