იმ შემთხვევაში, თუ აზერბაიჯანი ცეცხლს შეწყვეტს, სომხური მხარე მზადაა, მათ მისცეს უფლება, რომ ინციდენტისას დაჭრილი და გარდაცვლილი პირები გადაიყვანონ.

აღნიშნულის შესახებ სოციალურ ქსელში სომხეთის თვადაცვის მინისტრი შუშან სტეპანიანი წერს.

„იმ შემთხვევაში თუ აზერბაიჯანის შეიარაღებული ძალები ცეცხლს შეწყვეტენ, სომხური მხარე მზადაა მისცეს უფლება აზერბაიჯანს, რომ ინციდენტისას დაჭრილი და გარდაცვლილი პირები გადაიყვანონ“, - წერს სომხეთის თავდაცვის მინისტრი.

შეგახსენებთ, რომ 12 ივლისს სომხეთის შეიარაღებულმა ძალებმა აზერბაიჯანის მესაზღვრეებს ცეცხლი გაუხსნა. ბოლო მონაცემებით საზღვარზე მომხდარმა შეტაკებებმა 16 ადამიანი იმსხვერპლა.

გუშინ ღამით სომხეთისა და აზებაიჯანის საზღვარზე მდგომარეობა კვლავ დაიძაბა.  ორივე მხარე ადასტურებს, რომ გუშინ ღამით საბრძოლო მოქმედებები განახლდა. ოფიციალური ბაქოს განცხადებით, შემთხვევის შედეგად არავინ დაშავებულა. სომხეთის თავდაცვის მინისტრმა კი ეუთო-ს წარმომადგენელს აზერბაიჯანის საზღვართან ვითარების გამწვავების შესახებ აცნობა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი