შუახევის მუნუციპალიტეტში ხე–ტყის უკანონოდ მოპოვების ფაქტები გამოავლინეს

2015-09-03 10:45:00, 670 ნახვა

სამართალი

გარემოსდაცვითი ზედამხედველობის დეპარტამენტის აჭარის სამმართველოს თანამშრომლებმა შუახევის მუნიციპალიტეტში, კანონდარღვევის რამდენიმე ფაქტი გამოავლინეს.

გარემოსა და ბუნებრივი რესურსების დაცვის სამინისტროს ინფორმაციით, სწრაფი რეაგირების სამსახურის თანამშრომლებმა, პრევენციული ღონისძიების ჩატარების შედეგად, შუახევში უკანონოდ მოქმედი სახერხი საამქროები, მიწის არამიზნობრივი გამოყენებისა და უკანონოდ მოპოვებული მრგვალი მორების ტრანსპორტირების ფაქტები გამოავლინეს. სამართალდამრღვევებს ჩამოერთვათ უკანონოდ მოპოვებული ხე -ტყე, ასევე დაილუქა სახერხი საამქროები.

უწყების ცნობით, მიმდინარეობს გარემოზე მიყენებული ზიანის დადგენა. მასალები შემგდომი რეაგირებისთვის შესაბამის ორგანოებს გადაეგზავნება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან