ბრაზილიის პრეზიდენტმა, ჟაირ ბოლსარანომ, ვეტო დაადო კანონს, რომელიც მაღაზიებში, ეკლესიებსა და სკოლებში პირბადის სავალდებულო გამოყენებას გულისხმობს.

ამის შესახებ ინფორმაციას BBC ავრცელებს.

როგორც ბოლსონარომ სოციალური მედიით გავრცელებულ მიმართვაში განაცხადა, დაწესებული კანონი იმდენად მკაცრი იყო, რომ შესაძლებელი იყო ადამიანები იმის გამოც კი დაეჯარიმებინათ, რომ პირბადეს სახლში არ ატარებდნენ.

პრეზიდენტმა უარი თქვა ბრაზილიაში Covid-19-ის სიმძიმის აღიარებაზე, მიუხედავად იმისა, რომ იგი მსოფლიოში ინფიცირებულთა და გარდაცვლილთა რიცხვით მეორე ადგილზეა.

ამჯერად, ბრაზილიის კონგრესს ვეტოს აბსოლუტური უმრავლესობით დასაძლევად 30 დღე აქვს.

როგორც ცნობილია, ბოლსონარო პირბადეს თავადაც კი არ ატარებდა.

პრეზიდენტის მტკიცებით, „კარანტინი და სოციალური დისტანცია არ არის აუცილებელი კორონავირუსის წინააღმდეგ საბრძოლველად, რადგან ის მხოლოდ დააზიანებს ბრაზილიის მყიფე ეკონომიკას.

ჯონ ჰოპკინსის უნივერსიტეტის მონაცემების მიხედვით, ბრაზილიაში კორონავირუსით ინფიცირების 1.5 მილიონზე მეტი შემთხვევაა გამოვლენილი, ხოლო დაღუპულთა რიცხვი 60 ათასს აჭარბებს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი