2020-06-23 16:13:11, 1601 ნახვა

---

ბოკერიას განცხადებით, თუ ხელისუფლება შეთანხმების რომელიმე კომპონენტს არ შეასრულებს, ამის საფასურს ივანიშვილი გადაიხდის

„ევროპული საქართველოს“ ერთ-ერთი ლიდერის გიგა ბოკერიას განცხადებით, თუ ხელისუფლება შეთანხმების რომელიმე კომპონენტს არ შეასრულებს, ამის საფასურს ივანიშვილი გადაიხდის.

ბოკერიამ დადებითად შეაფასა საკონსტიტუციო ცვლილებების მესამე მოსმენით მიღება და აღნიშნა,  რომ ამას უნდა მოჰყვეს მესამე მოსმენით კანონპროექტის მიღება.

„ძალიან კარგი ამბავი მოხდა, ეს აჩვენებს საზოგადოების, ჩვენი მოქალაქეების და საქართველოს მეგობრების მხარდაჭერის, ჩვენი ხალხის მიმართ ძალას, როცა ივანიშვილს უწევს თავისით იმის გაკეთება, რაც არ უნდა და არ უნდოდა. ამიტომ, ეს ძალიან კარგია. ახლა ამას უნდა მოყვეს მესამე მოსმენით მიღება, იქამდე რურუას გათავისუფლება და მაშინ გვექნება ნორმალური ვითარება. რომელიმე კომპონენტს თუ არ შეასრულებს, ამის ფასს გადაიხდის ივანიშვილი, ჩიხშია ის მომწყვდეული, მათ შორის „ევროპული საქართველოს“ გადაწყვეტილებამ პირველ მოსმენაზე შესვლის შესახებ კიდევ უფრო დაუმძიმა მას მანევრის შესაძლებლობა“, - განაცხადა გიგა ბოკერიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი