"Twitter"-მა დონალდ ტრამპის მიერ ატვირთული ვიდეო დაბლოკა

2020-06-20 14:24:05, 3009 ნახვა

მსოფლიო

"Twitter"-ზე ატვირთული ვიდეოს გამო, კომპანია, აშშ-ის პრეზიდენტს მედიის მანიპულირებაში დებს ბრალს.
ვიდეოში ჩანს შავკანიანი ბავშვი, რომელიც თეთრკანიანი ბავშვისგან გარბის. ვიდეოს ტელეკომპანია "CNN"-ის ყალბი ლოგო აქვს გამოსახული. ვიდეოს სათაური, რომელიც "CNN"-ს ბრალს დებს "ფეიქ ნიუსის" გავრცელებაში ასეთია - "შეშინებული ბავშვი, რასისტი თეთრკანიანი ბავშვისგან გარბის".
"Twitter"-მა, პირველად, პრეზიდენტის ვიდეოს გამაფრთხილებელი ნიშანი დაადო.
მაისში, "ტვიტერმა" ფაქტების გადამოწმების მოწოდებით, გამაფრხილებელი შეტყობინება პირველად გაუგზავნა აშშ-ის პრეზიდენტს.
მას შემდეგ, რაც აშშ-ში რასიზმის წინააღმდეგ ბრძოლა მასშტაბურ საპროტესტო აქციებში გადაიზარდა და ქვეყანაში დაძაბული ვითარებაა, "Twitter"-მა გადაწყვიტა მეტად გაეკონტროლებინა ანტი რასისტული ტვიტები.
ატვირთული ვიდეოს კომენტარებში, ჩნდება "CNN"-ის მიერ გამოქვეყნებული ორიგინალი ვიდეო, რომელიც 2019 წლის სექტემბერში დაიდო, სადაც ჩანს, როგორ მირბიან ერთმანეთისკენ შავკანიანი და თეთრკანიანი ბავშვები ჩასახუტებლად.
"ამერიკა არ არის პრობლემა, პრობლემა "ფეიქ ნიუსია"", - წერს ტვიტერის მომხმარებელი.
ამ დროისთვის, "Twitter"-მა დონალდ ტრამპის პოსტი წაუშლელად დატოვა, თუმცა როდესაც ვაწვებით ჩართვის ღილაკს საიტს გადავყავართ გვერდზე, სადაც ვკითულობთ, რომ "პრეზიდენტმა გააზიარა ვიდეოს ის ვერსია, რომელზეც ბევრმა ჟურნალისტმა განაცხადა, რომ ის რედაქტირებულია და "CNN"-ის ყალბი ლოგო ადევს.