საქართველოში ყველა სახის მუნიციპალურმა ტრანსპორტმა მუშაობა განაახლა. მათ შორისაა თბილისის მეტროც.

შესაბამისი გადაწყვეტილება საქართველოს მთავრობამ 27 მაისს მიიღო. 

საზოგადოებრივი ტრანსპორტი კორონავირუსის გავრცელების პრევენციის ფარგლებში დადგენილი წესებით იმუშავებს. მგზავრობის დროს სავალდებულოა პირბადის ტარება. 

საზოგადოებრივ ტრანსპორტში არ იმუშავებს კონდიციონერი, რადგან ვირუსის გავრცელებისთვის ერთ-ერთი საფრთხეა.

„მოგეხსენებათ, რომ ჩვენ ერთი თვის წინ წარმოვადგინეთ ეკონომიკის გახსნი გეგმა, რომელიც ითვალისწინებდა კონკრეტულ ღონისძიებებს. დღეს გვაქვს საშუალება, რომ ეს გეგმა უფრო დავაჩქაროთ.

მიუხედავად იმისა, რომ ვირუსი ჯერ არ დაგვიმარცხებია, მიუხედავად იმისა, რომ ვირუსი დღეს რჩება ჩვენთან ერთად და ჩვენ აუცილებლად უნდა დავიცვათ ჰიგიენის ელემენტარული წესები და ჩვენი მოქალაქეების ინტერესებიდან გამომდინარე მივიღეთ გადაწყვეტილება, რომ შევამსუბუქოთ შეზღუდვები.

 კონკრეტულად 29 მაისიდან გაიხსნება ყველა სახის მუნიციპალური ტრანსპორტი. მათ შორის მეტრო და ეს მოხდება მხოლოდ და მხოლოდ კონკრეტული წესები დაცვით, ეს გახლავთ პირბადის ტარება“, - განაცხადა გახარიამ.

ავტორი: ექსპრესნიუსი,

სოციალური ქსელები

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა