2020-05-22 12:41:02, 1152 ნახვა

---

ტიკარაძე - პირველ რიგში დგას იმ მაღაზიების ამუშავება, რომლებსაც ქუჩიდან აქვთ შესასვლელები და შემდგომ, რომლებიც მოლებში მუშაობენ

ჯანდაცვის მინისტრის, ეკატერინე ტიკარაძის განცხადებით, ტანსაცმლის და ფეხსაცმლის მაღაზიების წარმომადგენლებთან აქტიური მოლაპარაკებები მიმდინარეობს.

მისი თქმით, ამ შემთხვევაშიც მნიშვნელოვანი სოციალური დისტანციის დაცვა იქნება.

„კვლავ რჩება მნიშვნელოვანი, რომ უნდა იყოს დაცული სოციალური დისტანცირება. ჩვენ ყველა მაღაზიის წარმომადგენლებთან ვმუშაობთ. პირველ რიგში, ჩვენ გვყავს დაყენებული მაღაზიები, რომლებსაც აქვთ მხოლოდ ქუჩის მხრიდან შესასვლელები და უკვე შემდგომ ის მაღაზიები, რომლებიც მუშაობენ მოლებში, მათთან ინტენსიური კომუნიკაცია და შეხვედრები მიმდინარეობს როგორც ეკონომიკის სამინისტროს მხრიდან, ასევე ჩართულია ინტენსიური და შრომის უსაფრთხოების დეპარტამენტი. ასევე ვმუშაობთ იმ მონიტორინგის სამსახურის ამუშავებაზე, როდესაც დადგენილი წესების გაკონტროლება მოხდება უკვე შრომითი ინსპექციის მხრიდან“, - განაცხადა ეკატერინე ტიკარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი