2020-05-18 18:52:00, 1250 ნახვა
საზოგადოება
თბილისში, ერთ-ერთ ლომბარდში გარდაცვლილი მამაკაცი იპოვეს
სამართალდამცავებმა თბილისში, კოსტავას ქუჩაზე, ერთ-ერთ ლომბარდში გარდაცვლილი მამაკაცი იპოვეს.
არსებული ინფორმაცით, ლომბარდი, სადაც მამაკაცის ცხედარი აღმოაჩინეს, თავად გარდაცვლილს ეკუთვნოდა.
მამაკაცის ცხედარი მისმა მეუღლემ რამდენიმე საათის წინ იპოვა. ადგილზე ექსპერტ-კრიმინალისტები მუშაობენ.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსსკ-ის 115-ე მუხლის პირველი ნაწილით დაიწყო, რაც თვითმკვლელობამდე მიყვანას გულისხმობს.
ავტორი: ექსპრესნიუსი,
epn.ge (@expressnews.ge)
