2020-05-18 11:05:37, 1017 ნახვა

---

სერგი კაპანაძე - ველოდებით, რომ რურუას გათავისუფლება მანამ მოხდება, სანამ საკონსტიტუციო ცვლილებები იქნება ინიცირებული

ველოდებით, რომ რურუას გათავისუფლება მანამ მოხდება, სანამ საკონსტიტუციო ცვლილებები იქნება ინიცირებული, - ამის შესახებ „ევროპული საქართველოს“ წევრმა, სერგი კაპანაძემ განაცხადა.

მისი თქმით, მხოლოდ ამის მერე იქნება შესაძლებელი, რომ მხარი დაუჭირონ საკონსტიტუციო ცვლილებებს.

„რურუა რჩება საპატიმროში და ჩვენ ველოდებით, რომ მანამ, სანამ ინიცირებული იქნება საკონსტიტუციო ცვლილებები პირველი მოსმენით, მანამდე მოხდება მისი გათავისუფლება. ამის მერე შესაძლებელი იქნება უკვე, რომ მხარი დავუჭიროთ ამ ვარიანტს, რაზეც 8 მარტს შევთანხმდით.

 გარდა ამისა, ვმუშაობთ იმაზე, რომ საარჩევნოდ მოხდეს ჩვენი პოზიციების დაახლოება, კოორდინირება, შეთანმხება 30 მაჟორიტარულ ოლქში. კიდევ ერთხელ ვამბობ, ეს ყველაფერი მივა ბოლომდე და იქნება მიღებული“, - განაცხადა სერგი კაპანაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი